Dúbidas do galego

Arquivo para a etiqueta “calquera”

Quenquera e calquera

Hai un fenómeno en galego que se chama hiperenxebrismo. Vén significar algo así como cambiar palabras que parecen “pouco galegas” dándolle un toque autóctono. Este é o caso de quenquera e calquera. Quenquera, as cousas como son, moito non se ouve na fala viva. É algo máis literario ca real pero débese dicir así, non quenqueira. Aínda que se en troques de querer dicir “calquera persoa” o que facemos é preguntarnos pola vontade de algo, escríbese separado e si é quen queira (Quen queira compralo, que me chame).

Un caso semellante é calquera. Calqueira non existe pero tampouco é correcto dicir calquer ou cualquer nin tampouco pasar a forma ao plural: calesquera.

Navegación de artigos