Despilfarrar
Évos un verbo que a simple vista parece complicado (ideal para partidas de scrabble) pero que ten moito éxito. En galego non existe. Despilfarrar é un castelanismo e segundo Benigno López procede do catalán espifarrar. Nalgún momento chegouse a dicir que a variante correcta en galego era espilfarrar, seguramente seguindo o calco de despertar/espertar. As formas correctas de referirse ao sentido dese verbo en galego son dilapidar e malgastar. Tamén se pode usar estragar, un deses nosos verbos polivalentes.
Dúbidas do galego 
Un blogue cunha temática moi interesante. Seguireino con interese. Parabéns.
Graciñas, Carlos. Espero as túas críticas e comentarios
O gripe, ou a gripe?
a gripe, en feminino. Grazas por comentar.