Dúbidas do galego

Just another WordPress.com site

Enseres

A palabra enseres é un castelanismo. Unicamente se pode utilizar en plural (non hai o enser) e define o conxunto de utensilios, mobles e instrumentos necesarios para desfrutar dunha casa ou para exercer un oficio ou profesión. Esta palabra de número invariable procede dunha antiga locución castelá: tener en ser, é dicir, posuír en existencia. De aí, co tempo pasou a enseres.

No galego pode aparecer case sempre en escritos. Como non é unha palabra demasiado utilizada, pasa mellor por propia xa que nin na escola nin no noso contorno recibimos aviso de que é foránea. Ademais, moitas veces forma parte de frases feitas, outra vía de penetración moi cómoda para os estranxeirismos.

Unha forma doada de substituír enseres é instrumental, se falamos dos útiles dun oficio. “Tiña no pendello o instrumental de carpinteiro” ou mobiliario e moblaxe para falar dunha casa. “A parella desafiuzada ficou na rúa, sentada sobre a súa moblaxe”.

Sempre podemos substituír enseres por substantivos tales como útiles, utensilios, aparellos, ferramentas, obxectos e efectos (efectos só ten significado de conxunto de cousas en plural polo que é, coma enseres, unha palabra de número invariable).

Advertisements

Single Post Navigation

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

%d bloggers like this: